?
سامي التهامي
على اثر احداث الرش بولاية سليانة اقرت عدة قرارات من طرف الحكومة لدفع التنمية اهمها ربط الجهة بالغاز الطبيعي و السكك الحديدية .سؤالي متى يتم ذلك و هل وقع سؤال الحكومة حول بداية تنفيذ هذه القرارات. مع الشكر
08 ماي 2013
حطاب بركاتي
و الله بعد الأحداث الأليمة إلّي عاشتها سليانة، أحداث الرّش، و إلّي مشى ضحيّتها عديد الشّباب، شكون فقد النّظر، و شكون تأثّر ببرشة جروح، نحب نأكّدلك، إلّي ما صار حتّى شيء في سليانة، و ماهوش باش يصير حتّى شيء في سليانة، و لو بقت الحكومة هذه 20 سنة أخرى، بمنوال التّنمية إلّي صادق عليه المجلس الوطني التّأسيسي، إلّي صادق عليه الأغلبيّة متاع المجلس التّأسيسي، إلّي هو منوال تنمية متاع بن علي؟ منوال التنّمية إلّي انتفض الشّعب التّونسي ضدّه؟ هي نفس الخيارات متاع بن علي قبل هي نفس الخيارات تو. وبن علي ما ضربش بالرّش، حطّ في السّجون و مزّق و عذّب، هاذم ضربو بالرّش، و مازال باش يضربو بالرّش، و ماهمش باش يعملو تنمية، لا لولاية سليانة، و لا لكلّ ولايات تونس، مش باش يعملو لا سكّة حديديّة و لا غاز طبيعي و لا حتّى شيء، ماهمش باش يعملو تنمية، و ماهمش باش يخدّمو العباد. تي هي تو الحكومة، ماخذة قرض من صندوق النّقد الدّولي بـ2700 مليار، هي بايعة البلاد، و صادقت على مخطّط كامل، ما عطاوهم القرض هذا إلاّ ما وافقوا على أجندة معيّنة و مخطّط كامل، كيفاش باش يعملو التّنمية؟ باش بش يعملوها التّنمية لسليانة؟ يمكن يعملو الرّش لسليانة، يمكن يصعّدو بالكرتوش لسليانة مش بالرّش، أكبر دليل على ذلك، النّقاشات متاع اليوم، تدلّ على كلّ شيء.
03 جويلية 2013