نعمان العش

التيار الديمقراطي
سؤال شفاهي موجه إلى وزير التربية (حاتم بن سالم), تم طرحه يوم 20 جويلية 2018
حول المناظرة الوطنية للدخول للمعاهد النموذجية 
تعليم
سؤال شفاهي موجه إلى وزير الشؤون المحلية و البيئة (رياض المؤخر), تم طرحه يوم 04 جوان 2018
 حول التجاوزات والخروقات وسوء الحوكمة والتصرف في المال العام بوزارة الشؤون المحلية والبيئة :
الشؤون المحلية والبيئة
سؤال شفاهي موجه إلى وزير الصناعة والمؤسسات الصغرى والمتوسطة (سليم الفرياني), تم طرحه يوم 17 فيفري 2018
عدم استغلال المقاسم الصناعيّة التي وفّرتها الدّولة وتحوّل البعض منها إلى مستودعات ومناطق غير مُستغلّة وتغيير صبغتها من صناعيّة إلى سكنيّة :
الصناعة
سؤال شفاهي موجه إلى وزير الشؤون الثقافية (محمد زين العابدين), تم طرحه يوم 20 جانفي 2018
شبهات فساد حول دعم الورق وسبب تقليص الميزانية المخصصة لمهرجان الحمّامات :
الثقافة
سؤال شفاهي موجه إلى وزيرة الثقافة والمحافظة على التراث (السيدة لطيفة الأخضر), تم طرحه يوم 03 ديسمبر 2015
شكرا سيدي الرئيس، سيدتي الوزيرة ملفّ منحة المساعدة على الدّعم للإنتاج المسرحي، سيادتك كي جيت للوزارة لقيت ثمّة لجنة قديمة. حلّيت اللّجنة هاذيكا وأرسيت لجنة جديدة إنت عندك فيها الثّقة. واللّجنة هاذيّا محلّ ثقة فعلا لأنّو نعرف بعض الأشخاص فيها وأحترمهم جيّدا لأنّهم قيم ثابتة فنّيا.  بدأت اللجنة تشتغل وقضّات الساعات الطّوال يوميّا لمدّة ثلاثة أشهر كاملة اطّلعت خلالها على أكثر من مائة ملفّ ترشّح بما فيه النّص المسرحي الرؤية الإخراجيّة ووو. يعني عمل مضني حقيقة. واختارت اللجنة مجموعة من الأعمال. ما راعنا إنّو 15 عمل يقع سحبهم من هذا التقرير، تقرير اللجنة، ويقع تعويضهم بغيرهم ممّن لا تتوفّر فيهم الشروط من حيث بطاقات الاحتراف وملفّات مَعْنتها غير مستوفية للشروط.  نحبّ نفهم أنا في المرحلة هاذيّا معنتها في ظرف ليلة أو في ظرف يوم شكون هذايا القادر على إنّو يقوم بدراسة أكثر من 100 ملفّ إلّي قضّات فيهم اللّجنة أكثر من 3 أشهر بساعات طوال. شكون هذايا المتفرّغ في الوزارة بش يعمل ها العمل هذايا. إذا كان عنّا شكون فاضي وينجّم يعمل العمل هذايا ما ثمّاش موجب للّجنة وقتها ساعتها. انّحّيوا اللّجنة ونخلّيوا الموظّف يقوم بالعمل هذايا.  اللّجنة صحيح ذات صبغة استشاريّة ولكن التعديل متاع الوزيرة ينجّم يتدخّل في بعض المسائل إلّي ممكن ما تاخذش وقت طويل بش الواحد يطّلع على ها الملفّات الكلّ فردا فردا يمكن سمع ملفّ فيه شبهة ملفّ فيه كذا يمكن يدقّق فيه شويّة أو ربّما ثمّة تعديل في القيمة متاع المنحة، ربّما ثمّة تعديل في ربّما يضبط بعض المقاييس ربّما، لكنّ أنّو يغيّر تقريبا أكثر من الثلث متاع القائمة، هذا يصبح ثمّة نوع من عدم وضوح الرّؤية.  ساعتها نحلّوا اللّجنة هذياّ ونعملو لجنة أخرى عندنا فيها الثّقة أكثر يعني. إذا كان اللجنة هاذي إنت ما عندكش فيها الثقة وإلي إنت إلي استدعيتهم وإنت إلّي نصبتها أنّو الموضوع فيه شبهة فساد. وهذايا مال عامّ والمال العامّ ما نوزّعوهش هكذا أخد مقاييس دقيقة وواضحة وتتماشى وتتلاءم مع متطلّبات العمل الفنّي.  أنا نلاحظ هنا ثمّة سياسة لتجويع المثقّف وثمّة عدم مبدأ الشفافيّة وعدم احترام الحوكمة الرّشيدة. الحقيقة... عدم مدّ المسرحيّين بنسخة من التّقرير النّهائي للّجنة بالرغم إلّي بعثوا عريضة عن طريق القاضي ولم تستجب وزارتكم الموقّرة لمدّهم بهذا التقرير. يعني هذا يزيد الشبهة هذيّا يزيد يعمّقها، لأنّو لو أنّ الأمور كانت بشكل واضح يعني ما كنّاش .... شكرا سيّدي الرئيس،  لأنّو ثمّة حاولوا يمدّوا يطلبوا م الوزارة مدّهم بالتقرير النهائي للجنة. اللجنة إلّي أقرّت المجموعة هذيّا من الأشخاص من المسرحيّين والفرق المسرحيّة باش ياخذوا الدّعم وامتنعت وزارتكم الموقّرة أنها تمدّهم بهذا التقرير النهائي، ما نفهمش علاش، أحنا يظهرلي في عصر ما بعد 14 جانفي وندعو إلى الحوكمة الرّشيدة وإلى حقّ النفاذ إلى المعلومة المفروض ما ثمّاش موجب بش نخبّيوا علاش بش نخبّيوا ثمّة رأي من اللّجنة رأي معلّل وم المفروض التّغييرات لو أُحدثت وأعتقد يجب أن تكون بسيطة وليست جوهريّة لأنّو في الحالة هذيّا وقتها يلزمنا نكوّنوا لجنة أخرى ثانية لازم تكزن زادة أيضا معلّلة وشكرا.
ملفّ منحة المساعدة على الدّعم للإنتاج المسرحي